¨NEURODIVINA Y PUNTO¨ DE SARA CODINA.

 

"Neurodivina y punto. 40 años siendo autista y yo sin saberlo" de Sara Codina, ofrécenos unha testemuña en primeira persoa das súas vivencias como persoa que non foi diagnóstica ata unha idade adulta. No seu blogue podemos coñecer a súa faceta como activista, achegándonos distintas cuestións relacionadas co autismo.

(Gabriele Münter) 

"BECHO PELOTA" DE OLGA DIOS.

 Olga Dios escribe este contiño dun BECHO onde a personaxe vai debuxando a súa  propia identidade a través dos seus sentires, vivencias e decisións.

(Maruja Mallo)

"8 SEÑALES. GESTIÓN DE VIDA O MUERTE". Noelia Míguez e Patricia Calveiro. 25N. DÍA CONTRA A VIOLENCIA MACHISTA.

 

Este libro relata unha historia real, onde a violencia machista guionizou a vida dunha rapaza galega, que podería ser a nosa veciña, a nosa irmá, a nosa amiga, a nosa compañeira, a nosa actriz favorita, a condutora do autobús, a carteira...poderiamos ser calquera de nós porque a violencia  pode entrar nas nosas vidas sen petar.

LITA CABELLUT: NARRATIVAS RETRATADAS.

Lita Cabellut, é unha artista que plasma nos seus lenzos narrativas a través de rostros que retratan vidas vividas e desvividas. 

A artista manifesta: "Cada cadro que pinto contén unha pequena historia, cada trazo, unha frase. E unha sílaba cada pincelada".

¨VIAJE AL PAIS DE LOS BLANCOS¨ DE OUSMAN UMAR.

 

 Ousman Umar naceu en África, o seu primer berce foi en Ghana, o segundo foi unha patera. Neste libro recolle os relatos de como medrou viaxando cara outros lugares en busca do que o seu imaxinario de infancia lle ditaba en  soños que aniñaban en almofadas moitas veces inexistentes.

Romuald Hazoumé é un artista africano da República de Benín. Con material de reciclaxe crea máscaras onde fusiona o tradicional coa reinvidicación contempóranea de como a arte africana ten unha identidade propia. 

MÁSCARAS DE PASCAL-DÉSIR MAISONNEUVE .PAREIDOLIAS CON AREAS.

 As máscaras do artista Pascal-Désir Maisonneuve foron descubertas polo escritor André Bretón nun mercadillo de París. As coleccións de conchas son tesouros conectados estreitamente coa infancia. Posteriormente Jean Dubuffet  incluíu a obra Pascal no museo suizo de Arte Marxinal. Estas máscaras de coleccións mariñas son pareidolias de tantas lecturas acertadas ou erradas de expresións faciais, como ollos que peitean as súas  areas coas pestanas.

TEMPLE GRADIN. INVENTORA DA MÁQUINA DAS APERTAS.

Temple Grandin é unha muller autista que inventou a chamada "máquina das apertas". A través do seu libro e da película podemos coñecer distintas facetas da súa vida e do  legado como activista, zoologa, etóloga e profesora de universidade. A diversidade de procesamento de información, neste caso a través de imaxes, abre as portas a ser coñecedores/as e sensibles coa paleta de como as persoas  podemos sentir o mundo que nos rodea de diversos xeitos, con linguaxes propias.

Obras de apertas de K. Haring.

I´M OBELIX de Raquel Fernández Fernández.

 

Nun escenario adolescente, Isma, un rapaz de 13 anos cunha diagnose de TDAH, comparte as súas inquedanzas, soños, pensamentos, reflexións, etc, que van construíndo e reconstruíndo o seu día a día nun Instituto de Secundaria. Rochas que van sendo esculpidas polo salitre dos mares e das mareas.

(Obra do artista galego Luis Seoane)

PAREIDOLIAS NA OBRA DO ARTISTA UCRANIANO OLEG SHUPLYAK .

 

Oleg Shuplyak invítanos a reflexionar sobre a visión poliédrica da vida. Xoga cas imaxes as agochadas, evocando a xogos de espazos de infancia moitas veces esquecidos..Shuplyak constrúe pontes sensibles á diversidade de interpretacións. Retrata rostros que dialogan cas ilusións ópticas do nso sentir.

A NENA DO VESTIDO DE FLORES de Manuel Fontemoura.

 

"A nena do vestido de flores" é a historia dunha rapaza chamada Dania Vitoria. Unha  nena autista que pinta universos no seu día a día cas cores das flores.

(Obra da artista galega María Antonia Dans)

M.R. LORTET: TECELÁ DAS MARXES.

M.R Lortet é unha artista francesa que se expresa a través dos fíos de cores. Son obras sen patronaxe que conectan coa súa infancia debuxando retratos con voz propia.  A diversidade nas súas creacións é unha pegada de identidade. É un icono femenino da chamada Arte Marxinal (Art Brut).

 

RETRATOS DE INFANCIA. A DIVERSIDADE A TRAVÉS DE RELATOS FOTOGRÁFICOS.

 

Abrimos a porta do noso caderno de ideas do Departamento de Orientación do Ceip Plurilingüe de Frións, con este libro de Sebastiâo Salgado, fotógrafo brasileiro. Retratos de infancia nunha versión trilingüe que recolle a profundidade das  olladas de nenos e nenas. Olladas que moldearán as formas das nubes coas PAREIDOLIAS das súas mochilas de vida.