Carolina Zanotti y Giancarlo Macri con sinxelos pero complexos puntos metafóricos, crea dous universos antitéticos que semellan non ter espazos de interseción. O diálogo, a reflexión e a sensibilidade fai que podamos soñar coa desaparición das fronteiras do alleo e que se acaden escenarios de fusión e solidariedade.
QUE PRACIAMENTE BRILAN!
¡Qué pracidamente brilan
o río, a fonte i o sol!
Cánto brilan..., mais non brilan
para min, non.
¡Cál medran herbas e arbustos,
cál brota na árbor a frol!
Mais non medran nin frorecen
para min, non.
¡Cál cantan os paxariños
enamoradas canciós!
Mais anque cantan, non cantan
para min, non.
¡Cál a Natureza hermosa
sorrí a maio que a mimóu!
Mais para min non sorrí,
para min, non.
Si..., para todos un pouco
de aire, de luz, de calor...
Mais si para todos hai,
para min, non.
¡E ben...!, xa que aquí n'atopo
aire, luz, terra nin sol,
¿para min n'habrá unha tomba?
Para min, non.
(Rosalía de Castro)
