HELEN ZUGHABID e POEMA DE MARÍA VICTORIA MORENO MARQUÉZ.

 

A artista Helen Zughabid nace no Líbano. A través da súa paleta de cores invítanos a reflexionar socialmente sobre diversas temáticas.

Se eu achase a palabra
donda, escintilante,
tan lene coma o peito da andoriña,
tan rexa coma a face da verdade...

Se eu achase a palabra
de lume, de auga, de aire,
de terra aloumiñada pola brisa
que arrola cada tarde...

Se eu achase a palabra
limpa, espida, que cabe
no efémero latexo dun salouco
e abrangue a eternidade...

Se eu achase a palabra
de amor que iluminase
esta esfera que treme estarrecida
na sombra e na soidade...

Se eu achase a palabra
eu pintaría o planeta de paz e liberdade.

(MARÍA VICTORIA MORENO MARQUÉZ)

"El VUELO DE SOFÍA" DE DAVID GÓMEZ Y CAROLINA LUZÓN. 3 DE DECEMBRO: DÍA DA DIVERSIDADE FUNCIONAL.

 Sofía, voa coa incertidume do que vai a vir, do que pasará no despois,..o acompañamento dende a sensibilidade e a tenrura cara diversidade funcional a través do relato dunha libélula que ten as ás de distintos tamaños.

ESPIRAIS DE REMEDIOS VARO. REFLEXIÓN SOBRE ESPIRAIS DE VIOLENCIA MACHISTA (II).

 

"NUBES EN LA CABEZA" DE ELENA VAL. POEMA SOBRE OS AVÓS E AVOAS DE ANA MARÍA FERNÁNDEZ.

 Avoas con nubes na cabeza. Nubes como pensamentos que voan a mundos que non sabemos que existen ata  que petan nas nosas mentes.

Ilustracións que moldean as formas destas nubes tipograficamente coas letras do alzheimer.

Mira os avós.

Antes eran máis grandes,

máis altos,

máis anchos...

pero devecen coma as follas sen zume.

Aseguran que o tempo é o único culpable,

un furtivo que chega cos dentes afiados

a cravárselles no rostro

mentres dormen

mentres botan farangullas ás pombas dos xardíns

ou xogan coma nenos.

A miúdo falan de vidas que pasaron

e argallan historias,

ao quentaren as mans

sobre a seda dos lumes.

Os avós envellecen devagar,

pero ninguén pode arrincarlles o sorriso,

porque gardan

o segredo do futuro,

máis alá dos seus ollos pequenos.

 

(Ana MªFernández)

"FEDERICO Y SUS FAMILIAS" DE MILI HERNÁNDEZ GÓMEZ.

 

Federico, un gato con calcetíns brancos  preséntanos as súas familias cunha mirada diversa en escenas plurais cheas de vida cotiá.

ESPIRAIS DE LEONORA CARRINGTON . REFLEXIÓN SOBRE ESPIRAIS DE VIOLENCIA MACHISTA (I).

 

PAULINA SILVA CHALA e POEMA DE ÁLVARO CUNQUEIRO.

 

Polos teus ollos quen pasóu, amiga,
deixóu unha ollada de amore perdida.
Nos ollos teus.

Deixóu de amore perdida unha ollada
polos teus ollos quen pasóu, amada.
Nos ollos teus.

Cinza levás nos ollos, amiga,
daquela ollada de amore perdida.
Nos ollos teus.

Borrallo nos ollos levás, amada,
que non miraches a quen te ollaba.
Nos ollos teus.

(Álvaro Cunqueiro)

"FACCELES" DE COCO DÁVEZ.

 

25 N: SEREAS DESPEITEADAS.

 

(Maruja Mallo)

Mereces un amor que te queira despeiteada.

Mereces un amor que te queira despeiteada,

incluso coas razóns que te levantan depresa

e con todo e os demos que non te deixan durmir.

Mereces un amor que te faga sentir segura,

que poida comer o mundo se camiña da túa man,

que sinta que as túas apertas van perfectas coa túa pel.

Mereces un amor que queira bailar contigo,

que visite o paraíso cada vez que ve os teus ollos

e que non se aburra nunca de ler as túas expresións.

Mereces un amor que te escoite cando cantas, 

que te apoie nos teus ridículos,

que respecte que es libre,

que te acompañe no teu voo,

que non lle asuste caer.

Mereces un amor que leve as mentiras,

que che traia a ilusión,

o café 

e a poesía.

• Frida Khalo/Estefanía Mitre-

"BANDADA DE NUBES DE IRMA BORGES E MO GUTIÉRREZ SERNA.

 A poesía e as nubes danse a man para pintar nos ceos versos cheos de formas e rimas.

"HOY NO JUEGAS" DE PILAR SERRANO CANIZALES.

 

Como nos sentimos cando non nos deixan xogar? Como nos sentimos cando somos marionetas de xogos que realmente non nos agradan? Temos ferramentas para saber dicir que "non"? Patio, parques,etc son escenarios de situacións onde as asimetrías das relacións poden estar presentes convertíndose en toxicidade e moita dor.

POESÍA DE FOLLAS DE OUTONO.

(Josep Guinovart)

 Vén onda nós o outono

dacabalo do aire;

nos camiños da fraga

os ourizos xa abren.

Síntoo chegar contento

da eterna viaxe

enredando entre as follas,

estreando friaxe.

(Ana María Fernández)

"EL BARRIO DE COLORES" DE MAR HONTANGAS.

 A través de diferentes poemas imos petando nas portas de casas  deste barrio, onde os versos falan de diferentes familias cheas de cores e matices.

 

OUTONO DE MANUEL MARÍA.

(Josep Guinovart)

 Veleiquí, Outono, grande e puro,

vestindo ao mundo de dourado,

con saibo a mosto fermentado,

a mazá, a sal, a grao maduro.

Veleiquí Outono, nel procuro

o rumor do vento namorado,

o laio do mar ben concertado

e o claro misterio máis escuro.

Veleiquí Outono, fosco e ledo,

con brasas secretas, soedosas,

acesas nas brétemas do medo.

(Manuel María)

IMPORTANCIA DA CONEXIÓN COA NATUREZA E DIVERSIDADE.

(Obras de Andy Goldsworthy)

 Veu o tempo morno do Outono.

Os días son tardes longas...

O aire é unha cousa...

 

Caen as follas...

Sinto unha cousa

que se pousa en min e non me toca...

 Anda o vento ceibe polos eidos

con todas as ás soltas,

empreña os castiñeiros,

ripa as lousas dos teitos

e escachafoula nas portas.

Chove no monte e nas viñas.
 Chove pausiño prás sombras,
chove prá baixo e prá riba.
O aire de soño en soño,

a auga pinga que pinga.

(Uxío Novoneyra)

"EL VIAJE JUNTOS" DE PAUL Y JUDY KARASIK

 

Esta obra presenta un retrato familiar dun neno autista, entrelazando as vivencias e sentires dende os roles das voces de pai e nai,irmáns etc, a través dun relato narrativo e en formato cómic.

AMAIA ARRAZOLA: MULLERES NA ILUSTRACIÓN, MULLERES ILUSTRADAS.

 

Diario visual de Amaia Arrazola. Un mes en Xapón. Ata sempre!

"GAZA DOE" DE MYRTA PONS.

 

"GAZA DOE"